វិធីស្នើសុំទិដ្ឋាការទៅប្រទេសជប៉ុន

១. អ្នកដែលអាចដាក់ពាក្យបាន

(១) សញ្ជាតិខ្មែរ (ស្នាក់នៅកម្ពុជាកំឡុងពេលដាក់ពាក្យ)
(២) ជនបរទេសដែលមានទិដ្ឋាការស្នាក់នៅប្រទេសកម្ពុជារយៈពេលវែង ព័ត៌មានទិដ្ឋាការសម្រាប់ជនបរទេសសូមចុចនៅទីនេះ
* សម្រាប់​ជនបរទេស​ដែលមាន​ទិដ្ឋាការ​រយៈពេល​ខ្លី​គឺ​មិន​អាចដាក់ពាក្យបានទេ។
 

២. របៀបដាក់ពាក្យ

សូមត្រៀមឯកសារតម្រូវការនិងជ្រើសរើសវិធីសាស្ត្រមួយក្នុងចំណោមខាងក្រោម៖
 

(១) ដាក់ពាក្យផ្ទាល់នៅស្ថានទូតជប៉ុន ឬស្ថានកុងស៊ុលនៅសៀមរាប

  ក. ម៉ោងការងារ (ចុចទីនេះដើម្បីមើលថ្ងៃឈប់សម្រាករបស់ស្ថានទូត)
​        (ក) ស្ថានទូតជប៉ុន៖ ម៉ោង៨:០០ ដល់ ១១:០០ (ពេលព្រឹកតែប៉ុណ្ណោះ) 
              អាសយដ្ឋាន៖ ផ្ទះលេខ១៩៤មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន ក្រុងភ្នំពេញ​  ស្ថានទូតជប៉ុន ផ្នែកកុងស៊ុល
        (ខ) ស្ថានកុងស៊ុលនៅសៀមរាប៖ ម៉ោង៩:០០ ដល់ ១១:៣០ និងម៉ោង១៤:០០ ដល់ ១៦:៣០
              អាសយដ្ឋាន៖ សណ្ឋាគារសុខាផាលេសសៀមរាប ផ្លូវ៦០​ ភូមិត្រាង សង្កាត់ស្លក្រាម ខេត្តសៀមរាប ការិយាល័យកុងស៊ុលជប៉ុន
* ស្ថានទូតនឹងមិនទទួលពាក្យក្រៅពីម៉ោងរៀបរាប់ខាងលើឡើយ។

  ខ. ស្ថានទូតនឹងអោយបង្កាន់ដៃដែលមានណាត់ថ្ងៃមកយកលទ្ធផលប្តូរនឹងលិខិតឆ្លងដែនរបស់អ្នក ប្រសិនបើពាក្យសុំរបស់អ្នកត្រូវបានទទួល។
  គ.​ សាមីជនគួរមកដោយផ្ទាល់ដើម្បីដាក់ពាក្យនិងទទួលលទ្ធផល លើកលែងតែករណីខាងក្រោម៖
        (ក) ស្នើសុំតាមរយៈភ្នាក់ងារទេសចរណ៍ដែលត្រូវបានអនុម័តដោយស្ថានទូត (សូមចុចទីនេះ )
        (ខ) ស្នើសុំអោយប្តីប្រពន្ធ ឬសាច់ញាតិ(សាច់ញាតិកម្រិតទីបី)
        (គ) ស្នើសុំជំនួសអនិតិជនដែលមានមនុស្សពេញវ័យរួមដំណើរជាមួយ។ (សូមភ្ជាប់លិខិតអនុញ្ញាតពីឪពុកម្តាយ ប្រសិនបើគ្មានអាណាព្យាបាលអមដំណើរជាមួយ)
 

(២)ការដាក់ពាក្យតាមអនឡាញ

  ក.​ ការដាក់ពាក្យតាមអនឡាញគឺអនុញ្ញាតតែទិដ្ឋាការ​រយៈពេលខ្លីសម្រាប់គោលបំណងទេសចរណ៍ប៉ុណ្ណោះ។ (សូមដាក់ពាក្យនៅស្ថានទូត ឬការិយាល័យកុងស៊ុលក្នុងខេត្តសៀមរាប ប្រសិនបើគោលបំណងរបស់អ្នកគឺពាណិជ្ជកម្ម ការទៅលេងទុក្ខសាច់ញាតិ ឬអ្នកស្គាល់គ្នា។ល។)
  ខ. សូមចូលទៅមើលគេហទំព័រទិដ្ឋាការអនឡាញ(e-Visa)(ភាសាអង់គ្លេស) និងធ្វើតាមការណែនាំ។
  គ. អ្នកនឹងទទួលបានអ៊ីម៉ែលពីខាងប្រព័ន្ធទិដ្ឋាការអនឡាញ នៅពេលពាក្យស្នើសុំរបស់លោកអ្នកត្រូវបានទទួល។
 

៣. រយៈពេលពិនិត្យទិដ្ឋាការ

(១)​ រយៈពេលលឿនបំផុតនៃការពិនិត្យទិដ្ឋាការគឺ ៥ថ្ងៃធ្វើការ (មិនរាប់បញ្ចូលទាំងថ្ងៃឈប់សម្រាករបស់ស្ថានទូត)។ ដោយឡែកក្នុងករណីដែលមានការស្នើសុំអោយបន្ថែមឯកសារផ្សេងៗ ឬត្រូវពិនិត្យសម្រេចដោយក្រសួងការបរទេស​ប្រទេសជប៉ុនគឺអាចនឹងត្រូវការរយៈពេលលើសពី១ខែ ទៅតាមករណីនីមួយៗ។ ដូច្នេះសូមលៃទុកពេលវេលាអោយបានគ្រប់គ្រាន់សម្រាប់ការដាក់ពាក្យ។
*​ សូមចូលប្រទេសជប៉ុនមុនពេលទិដ្ឋាការផុតសុពលភាព (សុពលភាពរយៈពេល៣ខែរាប់ពីថ្ងៃផ្តល់ជូនដែលមានបញ្ជាក់លើទិដ្ឋាការ) សម្រាប់ទិដ្ឋាការស្នាក់នៅរយៈពេលខ្លី។ ទិដ្ឋាការរបស់អ្នកនឹងអស់សុពលភាពបន្ទាប់ពីអ្នកប្រើចូលប្រទេសជប៉ុន ឬនៅពេលទិដ្ឋាការផុតកំណត់។

(២) សម្រាប់ការដាក់ពាក្យតាមអនឡាញ លទ្ធផលនឹងត្រូវបានជូនដំណឹងតាមរយៈអ៊ីម៉ែលប្រហែល១សប្តាហ៍បន្ទាប់ពីស្ថានភាពពាក្យស្នើសុំ(status)នៅក្នុងប្រព័ន្ធបង្ហាញថា "កំពុងពិនិត្យ (Under examination)"។
* ការស្នើសុំតាមអនឡាញអាចនឹងប្រើរយៈពេលយូរ។

 

៤. ឯកសារតម្រូវសម្រាប់ស្នើទិដ្ឋាការ

សូមរៀបចំឯកសារតម្រូវទៅតាមគោលបំណង និងប្រភេទទិដ្ឋាការ។ (ចុចទីនេះដើម្បីទាញយកទម្រង់បែបបទពាក្យស្នើសុំ)
ជនជាតិចិន រុស្ស៊ី និងជនបរទេសដែលស្ថិតក្នុងប្រទេសCIS ហ្សកហ្ស៊ី ហ្វីលីពីន វៀតណាម ដែលរស់នៅស្របច្បាប់នៅកម្ពុជា សូមចុចទីនេះដើម្បីពត៌មានលម្អិត។
*  អាចមានករណីតម្រូវអោយបន្ថែមឯកសារ និងមកសម្ភាសន៍នៅស្ថានទូត ក្នុងកំឡុងពេលដាក់ពាក្យ។

 

(១) ទិដ្ឋាការចេញចូលមួយដង (ស្នាក់នៅរយៈពេលខ្លីក្រោម៩០ថ្ងៃ។ **លើកលែង ការងារ ឬសកម្មភាពដែលទទួលបានប្រាក់កម្រៃ**)

  ក. ទិដ្ឋាការសម្រាប់ទេសចរណ៍ (អាចដាក់តាមអនឡាញបានe-Visa)
  ខ. ទិដ្ឋាការសម្រាប់ពាណិជ្ជកម្ម (កិច្ចប្រជុំ សន្នីសិទ ការបណ្ដុះបណ្តាលជំនាញបន្ថែមដោយមិនទទួលបានប្រាក់ចំនូល ការផ្លាស់ប្តូរវប្បធម៌ កីឡា និង កម្មសិក្សាជាដើម)
  គ. ទិដ្ឋាការសម្រាប់ទៅលេងសាច់ញាតិ (មានការអញ្ជើញដោយប្តីប្រពន្ធ/សាច់ញាតិនៅប្រទេសជប៉ុន)
  ឃ. ទិដ្ឋាការសម្រាប់ទៅលេងមិត្តភក្តិ (មានការអញ្ជើញដោយមិត្តភក្ដិនៅប្រទេសជប៉ុន)
  ង.​ ទិដ្ឋាការសម្រាប់ប្ដី ប្រពន្ធ ឬកូនរបស់ជនជាតិជប៉ុនដែលស្នាក់នៅកម្ពុជារយៈពេលវែង
 

(២)​ ទិដ្ឋាការចេញចូលច្រើនដង (សម្រាប់អ្នកចំបាច់ត្រូវចេញចូលប្រទេសជប៉ុនរយៈពេលខ្លីច្រើនដង)

  ក. សម្រាប់ ទេសចរណ៍ លេងបងប្អូន មិត្តភក្តិ ឬពាណិជ្ជកម្ម (រយៈពេលស្នាក់នៅក្រោម១៥ថ្ងៃ ក្នុង១ដង)
  ខ.​ ទិដ្ឋាការសម្រាប់ប្ដី ប្រពន្ធ ឬកូនរបស់ជនជាតិជប៉ុនដែលស្នាក់នៅកម្ពុជារយៈពេលវែង (រយៈពេលស្នាក់នៅក្រោម៩០ថ្ងៃ ក្នុង១ដង)
  គ. សម្រាប់ ពាណិជ្ជកម្ម (រយៈពេលស្នាក់នៅក្រោម៩០ថ្ងៃ ក្នុង១ដង)
  ឃ. សម្រាប់ វប្បធម៌ឬ អ្នកជំនាញ (រយៈពេលស្នាក់នៅក្រោម៩០ថ្ងៃ ក្នុង១ដង)

(៣) ទិដ្ឋាការស្នាក់នៅរយៈពេលវែង (ការស្នាក់នៅលើសពី៩០ថ្ងៃ ឬក្រោម៩០ថ្ងៃដោយទទួលបានប្រាក់ចំណូល សម្រាប់អ្នកដែលមានវិញ្ញាបនប័ត្របញ្ជាក់ពីសិទ្ធរស់នៅ)

(៤)​ ទិដ្ឋាការសម្រាប់ព្យាបាលជំងឺ (គេហទំព័រជាភាសាអង់គ្លេស) 

《ទិដ្ឋាការផ្សេងៗ》
ទិដ្ឋាការឆ្លងកាត់ 
 

(៥) កំណត់ចំណាំនៅពេលរៀបចំឯកសារ​សម្រាប់ការដាក់ពាក្យស្នើទិដ្ឋាការប្រភេទ(១)ដល់(៤)ខាងលើ

  ក. សូមដាក់ឯកសារជាទំហំក្រដាស A4 (ប្រសិនបើឯកសារដើមមានទំហំធំឬតូចជាងសូមថតចម្លងមកត្រឹមក្រដាស A4)។
  ខ. សូមកុំកិបឯកសារ។
  គ. ច្បាប់ចម្លងនៃឯកសារមួយចំនួនអាចទទួលយកបាន លុះត្រាតែមានការបញ្ជាក់ជាមុនសិន។
  ឃ. ប្រសិនបើឯកសារជាភាសាផ្សេងក្រៅពីភាសាអង់គ្លេស ឬភាសាជប៉ុន សូមភ្ជាប់ការបកប្រែ ឬចង្អុលបង្ហាញព័ត៌មានចាំបាច់សម្រាប់ការពិនិត្យជាភាសាអង់គ្លេស ឬភាសាជប៉ុន។
(ឧទាហរណ៍៖ សម្រាប់សៀវភៅគ្រួសារ សំបុត្រកំណើត ជាដើម ធ្វើច្បាប់ចម្លង និងសរសេរឈ្មោះអ្នកពាក់ព័ន្ធ និងផ្នែកចាំបាច់សម្រាប់ការពិនិត្យ ដូចជាទំនាក់ទំនង ដើម្បីងាយស្រួលកំណត់អត្តសញ្ញាណ។)

 

៥. ការទទួលលទ្ធផល(លិខិតឆ្លងដែន) និង​ទូទាត់ថ្លៃសេវា

(១) ប្រសិនបើអ្នកដាក់ពាក្យផ្ទាល់នៅស្ថានទូត ឬស្ថានកុងស៊ុលសៀមរាប

  ក.​ អ្នកនឹងទទួលបានទិដ្ឋាការនៅថ្ងៃទទួលលទ្ធផលដែលដាក់ក្នុងបង្កាន់ដៃ ប្រសិនបើពាក្យស្នើសុំរបស់អ្នកបំពេញគ្រប់លក្ខខណ្ឌនៃការវិនិច្ឆ័យចេញទិដ្ឋាការ។
  ខ. ម៉ោងសម្រាប់ទទួលលទ្ធផល​ (ថ្ងៃចន្ទដល់សុក្រ លើកលែងថ្ងៃឈប់សម្រាករបស់ស្ថានទូត)
​     ​   (ក) ស្ថានទូតជប៉ុន៖ ម៉ោង១៤:០០ ដល់ ១៦:០០ (ពេលរសៀលតែប៉ុណ្ណោះ)
        (ខ) ស្ថានកុងស៊ុលនៅសៀមរាប៖ ម៉ោង៩:០០ ដល់ ១១:៣០ និងម៉ោង១៤:០០ ដល់ ១៦:៣០រសៀល
​        (គ) ពេលមកទទួលលទ្ធផល សូមបង់ប្រាក់ (ប្រាក់រៀលតែប៉ុណ្ណោះ) (ចុចទីនេះសម្រាប់ពត៌មានតម្លៃសេវា)

(២) ប្រសិនបើអ្នកសុំតាមអនឡាញ

​  ក. ប្រពន័្ធទិដ្ឋាការអនឡាញនឹងផ្ញើរអ៊ីម៉ែលជូនដំណឹងពីលទ្ធផល (ដែលបង្ហាញថាទិដ្ឋាការរបស់អ្នកត្រៀមនឹងធ្វើហើយ) ប្រហែល១សប្តាហ៍បន្ទាប់ពីស្ថានភាពពាក្យសុំ(status)បង្ហាញថា "កំពុងពិនិត្យ(Under examination) "។ សូមធ្វើតាមការណែនាំដែលមាននៅក្នុងអ៊ីម៉ែលហើយចូលទៅគេហទំព័រទិដ្ឋការអនឡាញ និងធ្វើការស្វែងយល់ពីវិធីទូទាត់ថ្លៃសេវា។ (ពត៌មានលម្អិតស្តីពីទិដ្ឋាការរបស់អ្នកមិនត្រូវបានបង្ហាញនៅលើអ៊ីម៉ែលទេ) 
  ខ. តម្រូវអោយបង់ថ្លៃទិដ្ឋាការតាមរយៈប័ណ្ណឥណទាន ហើយតម្លៃនឹងត្រូវគណនាជាប្រាក់យេនដែលអត្រាការប្រាក់គិតតាមក្រុមហ៊ុនប័ណ្ណឥណទាន​ (វិក្កយបក្រនឹងមិនត្រូវបានចេញជូនឡើយ)។
  សូមចុចលីងសម្រាប់របៀបនៃការបង់ប្រាក់អនឡាញ​​ How to apply for visa on the JAPAN eVISA website (online payment)​ រួចសូមធ្វើតាមការណែនាំ។
* ថ្លៃទិដ្ឋាការនឹងត្រូវបានទូទាត់ពីគណនីរបស់អ្នកនៅពេលដែលស្ថានទូតបានបញ្ជាក់រួចរាល់ (វាអាចនឹងចំណាយពេលចាប់ពីរថ្ងៃឡើងបន្ទាប់ពីការចុះឈ្មោះប័ណ្ណឥណទានបានជោគជ័យ)។​ 

 

៦. ព័ត៌មានផ្សេងៗ

(១) ការពិនិត្យទិដ្ឋាការត្រូវបានធ្វើឡើងស្របតាមស្តង់ដារនៃការផ្តល់ជូនជាមូលដ្ឋាន (សូមចុចទីនេះ)។
ប្រសិនបើអ្នកមិនទទួលបានទិដ្ឋាការ នោះអាចបណ្តាលមកពីពាក្យសុំរបស់អ្នកមិនសមស្របតាមលក្ខខណ្ឌវិនិច្ឆ័យណាមួយ (ចុចទីនេះសម្រាប់ព័ត៍មានលម្អិត)។
(២) សូមចូលទៅគេហទំព័រក្រសួងការបរទេសសម្រាប់សំណួរទាក់ទងនឹងពាក្យស្នើសុំ (សូមចុចទីនេះ)។
(៣)  ទាក់ទងបន្ទាន់សម្រាប់សំណួរទូទៅស្តីពីការស្នើសុំទិដ្ឋាការ (២៤ម៉ោង/ថ្ងៃចន្ទដល់ថ្ងៃអាទិត្យ សម្រាប់ភាសាអង់គ្លេសតែប៉ុណ្ណោះ) (សូមចុចទីនេះ)។