ទិដ្ឋាការចេញចូលច្រើនដង សម្រាប់ប្ដី ប្រពន្ធ ឬកូនរបស់ជនជាតិជប៉ុនដែលស្នាក់នៅកម្ពុជា

ប្រភេទទិដ្ឋាការនេះគឺសម្រាប់ សាមីជនបរទេសដែលជាប្ដី ប្រពន្ធ ឬកូនស្របច្បាប់របស់ជនជាតិជប៉ុនដែលស្នាក់នៅកម្ពុជាជាមួយគ្នា មានទិដ្ឋាការស្នាក់នៅកម្ពុជារយៈពេលវែង និងកំពុងបម្រើការងារនៅកម្ពុជា។
 

សាមីជនដាក់ពាក្យត្រូវមានលក្ខខណ្ឌដូចខាងក្រោម៖

1.  អ្នកដែលបានចុះបញ្ជីអាពាហ៍ពិពាហ៍ស្របច្បាប់លើសពី១ឆ្នាំ（សម្រាប់ប្ដី ឬ ប្រពន្ធរបស់ជនជាតិជប៉ុន）។
2.  អ្នកដែលស្នាក់នៅផ្ទះរួមគ្នាជាមួយជនជាតិជប៉ុន។
3.  អ្នកដែលធ្លាប់បានទៅប្រទេសជប៉ុនយ៉ាងតិចម្ដង។

* ទិដ្ឋាការនេះមានសុពលភាពអតិបរមា ៣ឆ្នាំ (ការស្នើសុំលើកទី១ សុពលភាព១ឆ្នាំប៉ុណ្ណោះ) រយៈពេលស្នាក់នៅយ៉ាងយូរបំផុតត្រឹម៩០ថ្ងៃ។
* ករណីស្នាក់នៅលើសពីរយៈពេល៦ខែ សូមធ្វើការស្នើសុំវិញ្ញាបនប័ត្របញ្ជាក់ពីសិទ្ធរស់នៅរយៈពេលវែង ពីប្រទេសជប៉ុនជាមុនសិន។

ស្ថានទូតនឹងមិនទទួលរាល់ពាក្យស្នើសុំទិដ្ឋាការណាដែលមិនបំពេញគ្រប់លក្ខខណ្ឌ ដូច្នេះសូមរៀបចំនិងពិនិត្យឯកសារឲ្យបានត្រឹមត្រូវមុនពេលមកដាក់ពាក្យ។

ឯកសារសាមីជនត្រូវរៀបចំ

១. លិខិតឆ្លងដែន
     យ៉ាងហោចត្រូវសល់ ២ទំព័រសម្រាប់បិតទិដ្ឋាការ
២. លិខិតឆ្លងដែនថតចម្លង
     ទំព័រព័ត៌មានផ្ទាល់ខ្លួន
៣. ពាក្យស្នើសុំទិដ្ឋាការ
     បិតរូបថត ១សន្លឹក (4.5​ x 3.5cm ផ្ទៃស)
​​     * សូមបំពេញព័ត៌មាននៅលើពាក្យស្នើសុំអោយបានពេញលេញ （សូមចុះហត្ថលេខាដោយសាមីខ្លួន）
៤. ឯកសារបញ្ជាក់ទីលំនៅបច្ចុប្បន្ននិងបញ្ជាក់ថាស្នាក់នៅជាមួយជនជាតិជប៉ុន（កិច្ចសន្យាជួលផ្ទះជាដើមដែលមានឈ្មោះអ្នកដាក់ពាក្យ）
៥. លិខិតស្នើសុំទិដ្ឋាការចេញចូលច្រើនដង ដោយបញ្ជាក់ពីមូលហេតុ

 ឯកសារបន្ថែមសម្រាប់ករណីដូចខាងក្រោម           
• សម្រាប់ជនបរទេសដែលស្នាក់នៅប្រទេសកម្ពុជា ⇒​ សូមចុចទីនេះ
 

ឯកសារជនជាតិជប៉ុនត្រូវរៀបចំ

៦. ទិដ្ឋាការកម្ពុជាស្នាក់នៅរយៈពេលវែង，ប័ណ្ណការងារចេញដោយក្រសួងការងារ，សេចក្ដីចម្លងលិខិតឆ្លងដែន
៧. ឯកសារបញ្ជាក់ទីលំនៅបច្ចុប្បន្ននិងបញ្ជាក់ថាស្នាក់នៅជាមួយសមីជន（កិច្ចសន្យាជួលផ្ទះជាដើម）
៨. លិខិតបញ្ជាក់ការចុះបញ្ជីគ្រួសាររបស់ជប៉ុន ​

ឯកសារអ្នកផ្គត់ផ្គង់ថ្លៃចំណាយ(ជនជាតិជប៉ុនឬសមីជន) ត្រូវរៀបចំ

៩. លិខិតបញ្ជាក់ការងារ
១០. លិខិតបញ្ជាក់សមតុល្យគណនេយ្យ ឬ  ឯកសារបើកប្រាក់បៀវត្ស