ការពង្រឹងវិធានការការពារជម្ងឺឆ្លងជាបណ្តោះអាសន្ននៅពេលចូលប្រទេសជប៉ុន

 
បច្ចុប្បន្នវិធានការការពារជម្ងឺឆ្លងត្រូវបានរឹតបណ្តឹងយោងទៅតាមច្បាប់ដែលពាក់ពាន ដូច្នេះសូមប្រុងប្រយ័ត្ននៅពេលមុន និងក្រោយធ្វើដំណើរចូលប្រទេសជប៉ុន។​ (យោង៖ គេហទំព័រក្រសួងការងារ និងសុខមាលភាព) 
 
[និតិវិធីចាំបាច់មុនពេលធ្វើដំណើរចូលប្រទេសជប៉ុន]
 
បច្ចុប្បន្ន និតិវិធីមុនពេល និងក្រោយពេលចូលប្រទេសជប៉ុនដែលមានដូចខាងក្រោមចាំបាច់តម្រូវអោយបំពេញ។ អ្នកនឹងមិនត្រូវបានអនុញ្ញាតអោយជិះយន្តហោះឬចូលប្រទេសជប៉ុនឡើយ ប្រសិនបើមិនបានបំពេញគ្រប់និតិវិធីដែលបានតម្រូវ។
 

• អ្នកដំណើរទាំងអស់ត្រូវមានវិញ្ញាបនបត្របញ្ជាក់សុខភាព(បញ្ជាក់អវិជ្ជមានកូវីដ១៩) ក្នុងរង្វង់៧២ម៉ោង(※ ក្នុងរង្វង់៤៨ម៉ោង ករណីប្តូរជើងហោះហើរនៅប្រទេសសិង្ហបូរី )មុនពេលចេញដំណើរ(ព័ត៌មានលម្អិតសូមចុចទីនេះ)

ប្រសិនបើមិនអាចដាក់នូវវិញ្ញាបនបត្របញ្ជាក់សុខភាព ដែលវិធីយកសំណាកនិងធ្វើតេស្តត្រឹមត្រូវតាមការណែនាំរបស់ក្រសួងសុខាភិបាល ការងារ និងសុខមាលភាពនោះទេ អ្នកនឹងមិនត្រូវបានអនុញ្ញាតឲ្យធ្វើការហោះហើរចូលប្រទេសជប៉ុនឡើយ។ 
* អ្នកត្រូវធ្វើតេស្តយកវិញ្ញាបនបត្រអវិជ្ជមានកូវីដ១៩ក្នុងរង្វង់៤៨ម៉ោងមុនពេលធ្វើដំណើរ ប្រសិនបើអ្នកប្តូរជើងហោះហើរនៅប្រទេសសិង្ហបូរីក្រោយថ្ងៃទី១០ខែកញ្ញា។
យោង៖  [Consular Email] Validity period of negative certificate required when traveling to a third country via Singapore 

• ត្រូវបំពេញកម្រងសំណួរ(ចុចទីនេះ)តាមរយៈទូរស័ព្ទដៃឬកុំព្យូរទ័រ រួចសូមបង្ហាញកូដQRដែលបានបង្កើតទៅកាន់មន្ត្រីត្រួតពិនិត្យចត្តាឡីស័ក។ (កម្រងសំណួរនេះអាចនឹងត្រូវបានទៀមទារពិនិត្យមុនឡើងយន្តហោះអាស្រ័យលើក្រុមហ៊ុនអាកាសចរណ៍)
• ត្រូវដាក់លិខិតកិច្ចសន្យា (ទាញយក​៖ អង់គ្លេស  ជប៉ុន)

ពេលដល់ប្រទេសជប៉ុនអ្នកអ្វីដែលអ្នកត្រូវធ្វើមានដូចជា៖ (១) ស្នាក់នៅកន្លែងដែលអ្នកបានកំណត់រយៈពេល១០ថ្ងៃ (២)ជៀសវាងការធ្វើដំណើរដោយមធ្យោបាយសាធារណៈ (៣) ផ្តល់ដំណឹងពីទីកន្លែងរបស់អ្នក (៤) តំឡើងកម្មវិធីដាក់ក្នុងទូរស័ព្ទដៃ។ សូមរៀបចំលិខិតកិច្ចសន្យានេះដោយទាញយកពីតំណរដែលមាននៅខាងលើ។

• ត្រូវតំឡើងកម្មវិធីដាក់ក្នុងទូរស័ព្ទដៃ ឬ Tablet (ចុចទីនេះដើម្បីទាញយកកម្មវិធី៖ ជាភាសាជប៉ុន)

អ្នកត្រូវតំឡើងកម្មវិធីទាំងនោះដើម្បីផ្តល់ព័ត៌មានពីទំនាក់ទំនង និងទីកន្លែងរបស់អ្នកតម្រូវដោយក្រសួងសុខាភិបាល ការងារ​ និងសុខមាលភាព។​ ពេលចូលប្រទេសជប៉ុន អ្នកត្រូវតម្រូវអោយជួលទូរស័ព្ទដៃ(ដោយចំណាយប្រាក់ផ្ទាល់ខ្លួន)នៅបរិវេណកន្លែងធ្វើចត្តាឡីស័ក ប្រសិនបើអ្នកមិនមាននោះទេ។
(ការតំឡើងកម្មវិធីនេះអាចនឹងត្រូវបានទៀមទារមុនឡើងយន្តហោះអាស្រ័យលើក្រុមហ៊ុនអាកាសចរណ៍)
 
[និតិវិធីចាំបាច់ក្រោយពេលចូលប្រទេសជប៉ុន]
 

• ត្រូវធានាថាមានកន្លែងស្នាក់នៅដែលកំណត់ដោយប្រធានស្ថានីយ៍ចត្តាឡីស័ក(ទីលំនៅផ្ទាល់ខ្លួន។ ល។ ) រយៈពេល ១០ ថ្ងៃ ចាប់ពីថ្ងៃបន្ទាប់ពីចូលប្រទេសជប៉ុន (ថ្ងៃប្រមូលសំណាក) ។ បំណងសម្តៅតាមដានដោយមណ្ឌលសុខភាព។ ល។

(មិនមានការតម្រូវឲ្យស្នាក់នៅស្ថានីយ៍ចត្តាឡីស័ករយៈពេលបីថ្ងៃទៀតទេចាប់ពីថ្ងៃទី២០ខែកញ្ញាឆ្នាំ២០២១។

• ត្រូវធានាថាអ្នកនឹងមិនប្រើប្រាស់​មធ្យោបាយធ្វើដំណើរសាធារណៈពីព្រលានយន្តហោះ ទៅកន្លែងអ្នកនឹងស្នាក់នៅនោះទេ។
• បញ្ចូលព័ត៌មានស្នាក់នៅ និង​មធ្យោបាយធ្វើដំណើរពីព្រលានយន្តហោះ នៅស្ថានីយ៍ចត្តាឡីស័កបន្ទាប់ពីចូលដល់ប្រទេសជប៉ុន ។
• ធ្វើតេស្តកូវីត១៩ពេលទៅដល់ប្រទេសជប៉ុន
• រងចាំទទួលលទ្ធផលនៅព្រលានយន្តហោះ​ ឬ កន្លែងកំណត់ដោយប្រធានស្ថានីយ៍ចត្តាឡីស័ក។

(ចំណាំ) ទោះបីអ្នកបានទទួលលទ្ធផលអវិជ្ជមានកូវីដ១៩នៅព្រលានយន្តហោះក៏ដោយ អ្នកត្រូវតម្រូវឲ្យធ្វើចត្តាឡីស័ករយៈពេល១០ថ្ងៃនៅផ្ទះឬកន្លែងដែលបានកំណត់ និងបញ្ជៀសការប្រើមធ្យោបាយសាធារណៈ។

 យោង៖​​ និតិវិធីថ្មីស្តីអំពីវិធានការព្រំដែន (ក្រសួងសុខាភិបាល ការងារ និងសុខមាលភាព)